30.07.2023Ахуырадон проект «Sputnik Pro»-йы хайад исынц хуссарирыстойнаг журналисттæ. Уыдонæн къуырийы дæргъы ахуыртæ уадзынц дунеон медиакъорд «Россия Сегодня»-йы фæзуаты.
Хуссар Ирыстоны паддзахадон университеты пресс-службæйы нын куыд фехъусын кодтой, уымæ гæсгæ Мæскуымæ сæ квалификаци фæбæрзонддæр кæныны тыххæй университетæй ацыдысты «ЮОГУ ТВ»-йы монтажер-оператор Гасситы Антон æмæ журналистикæйы факультеты студенткæ, газет «Республикæ»-йы уацхæссæг Багаты Элинæ.
Ацы программæйы фæлгæтты Мæскуыйы ахуырты хайад исынц Республикæ Абхаз, Сомихстон, Таджикистан, Узбекистан, Молдовæ, Казахстан, Хъыргъыстан æмæ Уæрæсейы дзыллон информацийы фæрæзты минæвæрттæ. Ам журналисттæ хъусынц лекцитæм, уадзынц сын мастер-къластæ æмæ тымбыл фынгты уæлхъус уынаффæ кæнынц алыгъуызон аспекттыл журналистон дæсныйады фæдыл, æвзарынц социалон хызæгты куысты сусæгдзинæдтæ. Уымæй дарддæр сын фæлтæрд æмæ ахуыргонд журналисттæ амонынц, цæмæй ног хабæрттæ хуыздæр фыссой æмæ сын соцхызæгты фылдæр кæсджытæ фæзына, уыдæттæ.
https://xurzarin.ru/aerygon-zhurnalisttaen-axuyrtae-maeskuyjy/Короткая ссылка на новость: http://xipu.ru/~vsVzz
«Фыдыбæстæ, æвзаг, æгъдау æмæ фарн. Худинаджы бæсты - мæлæт!» Ю.С. Гаглойти
Юго-осетинский государственный университет им. А.А. Тибилова
South Ossetian State University named after A.A. Tibilov