15.12.2022Мысæм нæ кадджын хистæрты
Университеты ректорат æмæ ирон литературæйы историйы кафедрæ банысан кодтой поэт, фыссæг Харебаты Леониды 90 азы юбилей.
Мысæн изæр байгом кодта профессор Плиты Гацыр. Уый банысан кодта, зæгъгæ, Харебаты Леониды зыдтон æвзонгæй фæстæмæ, педагогон инситуты ма куы ахуыр кодтам, уæдæй. Уый ахуырмæ уыд рæвдз, æмæ институт фæуыны фæстæ кæмдæриддæр куыста, алы ран дæр ныууагъта хорз фæд.
— Леониды мысæн изæрмæ уыйбæрцæй кæй æрбацыдыстут, уый мæнæн у тынг æхсызгон æмæ уын зæгъын стыр бузныг. Ахæм дзырдтимæ мысæн изæры йæ ныхас райдыдта Ирыстоны фысджыты цæдисы æмсæрдар Хъазиты Мелитон. Сфæлдыстадон куыст чи кæны, уымæн æппынæдзух йæ хъуыдытæ сты йæ адæм æмæ бæстæйыл.
Мысæн изæры ма Леониды тыххæй сæ хъуыдытæ дзырдтой методикæйы кафедрæйы сæргъ-лæууæг профессор Хуыгаты Илья, 3-æм астæуккаг скъолайы ахуыргæнæг Пухаты Аллæ, жур-нал «Фидиуæг»-ы сæйраг редактор Годжыцаты Нелли.
Студенттæ Коцты Булат, Зассеты Вадим, Тедеты Игорь, Тедеты Денис, Табуты Диана бакастысты Леониды фыст æмдзæвгæтæ.
https://xurzarin.ru/mysaem-nae-kaddzhyn-xistaerty/Короткая ссылка на новость: http://xipu.ru/~GvgrB
«Фыдыбæстæ, æвзаг, æгъдау æмæ фарн. Худинаджы бæсты - мæлæт!» Ю.С. Гаглойти
Юго-осетинский государственный университет им. А.А. Тибилова
South Ossetian State University named after A.A. Tibilov