«Фыдыбæстæ, æвзаг, æгъдау æмæ фарн. Худинаджы бæсты - мæлæт!» Ю.С. Гаглойти

Тыбылты Алыксандры номыл Хуссар Ирыстоны паддзахадон университет
Юго-осетинский государственный университет им. А.А. Тибилова
South Ossetian State University named after A.A. Tibilov
19 Октября 2014

Фыццагкъурсонтæн бæрæгбонон мадзал ХИПУ-ы

Фæстаг дыууæ азы трацион ссис Хуссар Ирыстоны паддзахадон университеты (ХИПУ) фыццагкъурсонтæн бæрæгбонон мадзал аразын "ХИПУ-ы студенттæм бацæуын" ("Посвящение в студенты ЮОГУ"). Мадзал цытджын æгъдауæй уагъд æрцыд нæ республикæйы ног цалцæггонд паддзахадон киноконцертон зал «Чермен»-ы. Бæрæгбонмæ фæуазæг сты Республикæйы президент Тыбылты Леонид, хицауады сæрдар Хъуылымбегты Доменти, парламенты сæрдар Бибылты Анатоли, афтæ ма хицауад æмæ парламенты минæвæрттæ, Новороссийы Парламенты Сæрдар Олег Царёв ахуырады министр Цыбырты Маринæ, къультурæйы министр Остъаты Мадинæ, кæцы цæстуарзонæй бар радта мадзал ацы залы ауадзын, Уæрæсейы 4-æм æфсæддон базæйы минæвæрттæ, кæцыимæ ХИПУ-æн ис æнгом бастдзинæтæ культурон æмæ æндæр мадзæлттæ уадзыны хъуыддаджы. Бæрæгбонмæ æрбацыд æвæджийау бирæ фæсивæд æмæ нæ республикæйы интеллигенцийы минæвæрттæ. Мадзал гом æрцыд студентты цардыл конд видеонывтæй. Студентты боны цытæн сæ зарджытæ балæвар кодтой Дзаттиаты Анисимы лæппуты къорд. Афтæ ма университеты кафджыты къорд "Сæрмæт" (йæ къухдариуæггæнæг Тедеты Ацæмæзы) сæххæст кодта «Хонгæ» æмæ «Хæххон» кæфтытæ. Мадзалы сæ арæхстдзинад равдыстой Дзабиты Екатеринæйы «Булæмæргъ»-ы къорд æмæ æндæртæ. Аив æмæ мидисджын рауадысты Уæрæсейы 4-æм æфсæддон базæйы æфсæддон æмæ на университеты чыжыты дуэттæй æххæстгонд зарджытæ. Залы уæвджытæ æхсызгонæй сæмбæлдысты студенттæ æмæ сæ ахуыргæнджыты иумийййаг музыкалон номыртыл. Дзырдæн, куыд фыццагкъурсон Джиоты Альбинæ æмæ ХИПУ-ы профессор Тедеты Анатилий, афтæ ма студенткæ Быценты Мадинæ æмæ ХИПУ-ы доцент Дзугаты Къостайы æххæстгонд зарджытæ стыр æхцондзинад æрхастой алкæмæндæр. Арфæйы ныхæстæ балæвар кодта уазджытæн æмæ студенттæн университеты ректор Тедеты Вадим. Ацы боны цытæн Тедеты Вадим æрбахуыдта дохтыр æмæ зарæггæнæг Куыдзеты Игоры. Уый залы уæвджытæн сæххæст кодта йæ диссаджы зарæг «Кæд ма». Тедеты Вадимы хуындмæ гæсгæ бæрæгбон бæрæг барæсугъд кодта «Ирыстоны сыгъзæрин хъæлæс» Тайсаты Олег. Олегы æнæнхъæлæджы фæзынд æмæ аив зард æхцондзинад æрхастой æрæмбырдуæвджытæн. Æнæрынцой къухæмдзæгъдæй йын арфæ кодта зал. Нæ фæсивæд сæхæдæг дæр фæстæ нæ фæлæууыдысты, сæ зард æмæ сценæйыл ахайдæй радысты æрбацæуджыты зæрдæтæ. Мадзалы архайджытæн ма арфæйы ныхæстæ ракодта президент Тыбылты Леонид. Бæрæгбонон мадзал æхгæд æрцыд модæты равдыстæй.

Дриаты Лейла
Короткая ссылка на новость: http://xipu.ru/~HudaB